18 қазан 2023 жылы Қайырбек Оразов атындағы Аралағаш орта мектебіне Аудандық прокуратурадан прокурор Нұрберген Болатұлы келді. Оқушыларға «Біз есірткеге қарсымыз!» тақырыпта әңгіме жүргізіп , бейнеролик көрсетті.
Әр қоғамның өзiнiң бас ауыртар iрi-iрi мәселесi болады. Қоғам өркендеп адам ой-санасы дамыған сайын оған төнер дерт кесел де ғаламаттай қуаттанып, бой бермес бас асудай күшейеді.
Есірткі заттарына паталогиялық құмарлық. Есірткі – бүкіл қоғамның қасіреті, болашағымызға қауіп төндіріп тұрған індет. Есірткіге көбінесе жасөспірімдер шалдығады, алайда осы кезде ересектер арасында да есірткінің тұзағына түсіп қалған адамдар көбейіп келеді. Яғни есірткіге тәуелді адам бірте-бірте өзін-өзі сыйлауды жоғалтады: өзінің адамгершілік қасиеттерін жояды, психикасы қалыпты болмайды, достарынан, отбасынан айырылады, мамандық ала алмайды және қоршаған адамдарға, өзіне зиян келтіреді.
Есірткіге қарсы алдын-алу жұмыстарын атқару, жастар арасында салауатты өмір салтын қалыптастыру, үгіт насихат жұмыстарын жүргізу, еліміздің болашағы — жастарды есірткі індетінен аластату барлық мүдделі органдардың міндеті.
