Қаырбек Оразов атындағы Арлағаш орта мектебінде 18 қантар 2023 «Пікірталас» сайысы 5-6 сынып оқушыларының арасында тәрбие ісінің меңгерушісі Жаналина Ж.Е өткізді. Оқушылар белсенді қатысып, өздерін көрсете білді. Жаратылыстану – математикалық бағытындағы апталықтың жетекшісі Мейрманова Ғ.М оқушыларға жақсы қатысқан үшін тәтті сыйлықтар таратты.
Пікірталас қоғамды дамытады, өркениетке қол жеткізеді. Пікірталас бар жерде демократия да өрістейді. Қазіргі іскер адамдарға қоғамдық әлеуметтік маңызды мәселелерді жете және жемісті талдай алу қабілеті қажет. Олар өз ойларын түсіндіре, дәлелдей алуы керек, қарсы жақтың пікірін жоққа шығарып, өз пікірінің дұрыстығына көз жеткізуі қажет. Сондықтан іскер адамдар сөзталас өнерін, пікірталас шеберлігін үйренуді мақсат етеді. Пікірталас шеберлігі дегенге жеткілікті, жан-жақты біліммен қоса, пікірталас түрлерін мақсатын, олардың ерекшеліктері мен негізгі талаптарын, сөзталас мәдениетін, онда жиі қолданылатын амал-тәсілдерді жетік меңгеру жатады.
