«Спорт және салауатты өмір салты» фракциясы
Саурбаев Арыстанбек қарашаның 13 ші күні 5-9 сынып оқушыларымен Қазақтың ұлттық ойыны Тоғызқұмалақты ойнатты.Сонымен қатар тоғызқұмалақтың ережесімен таныстырды. Тоғызқұмалақ ойыны арнайы тақтада екі адам арасында ойналады. Ойын тақтасы – 2 қазан, 18 отау, 162 құмалақтан тұрады. Ойын басында әр ойыншыға бір қазан, тоғыз отауға тоғыз-тоғыздан салынған сексен бір құмалақ тиесілі.
Алғашқы жүріс жасаған ойыншыны – бастаушы, қарымта жүріс жасаған ойыншыны – қостаушы деп атайды. Кейде бастаушы үшін – ақ жағы, қостаушы үшін қара жағы деген тіркестерді де қолданады.
