Қайырбек Оразов атындағы Аралағаш орта мектебінің «Жаратылыстану – математикалық бағыты» бойынша физика, математика, география, информатика, биология, химия және алғашқы әскери дайындықпен, психология пәндерінен ұйымдастырылған апталық 16.01 – 20.01.2023 жыл аралығында өткізіледі.
Болашақта білімді ұрпақ керек, ал білім кілті – барлық нақты ғылымдардың негізін меңгеруде. Себебі білімі мықты, компьютерлік сауаттылығы жоғары әрі ойлау қабілеті дамыған бала ғана ғылым мен техника тілін табысты меңгере алады. Оқушылардың бойында білімге деген қажеттілікті сезіну, білім алу үшін өз бетінше іздену, жаңашылдыққа ұмтылу қасиеттерін тәрбиелеу – сабақта ғана емес, сыныптан тыс жұмыстарда да жүзеге асырылуы керек. Осындай жұмыстың маңызды бір бағыты – пәндік апталық болып саналады.
